O'ZB

RUS

ENG

Адвокатнинг кўкрак белгиси: у нимани эслатмоқда?

0 0
Read Time:1 Minute, 24 Second

Ўзбекистон Республикаси Адвокатлар палатасининг адвокатларнинг кўкрак белгисини ташкил этиш борасидаги ташаббуси мунозараларни келтириб чиқарди. Бу ҳақда «advokatnews.uz» хабар бермоқда.

Жумладан адвокат Аллан Пашковский «Facebook»даги саҳифасида «белгилар (қалқон ва тарози) адвокатура ҳақида ҳам ҳуқуқ-тартибор органи (масалан, прокуратура ёки суд) экан деган фикр уйғотади», деб муносабат билдирди.

Шунингдек, адвокатнинг фикрича, Палата томонидан таклиф этилаётган чизмадаги кўриниш жуда эскича ва сийқаси чиққан усулда тайёрланган. Шу боис, яхшиси, мутахассис безакчиларга мурожаат қилиш кераклигини таъкидлайди. Таклиф сифатида эса белгининг уст томони лакланиши кераклигини билдиради.

Худди шунингдек, адвокат Алексей Морозов ҳам бу масалага муносабат билдирар экан, чизмада фойдаланилган белгилар кўпроқ ҳуқуқ-тартибот идоралари уқаларини эслатишини айтиб, қалқон, қилич кабиларга ўхшаш белгилардан умуман воз кечиш ва ўзига тортадиган бошқа бирон нарса топиш кераклигини таклиф қилади.

Адвокат Иброҳим Ҳабибуллаевнинг фикрича эса, чизмада кўрсатилган белгининг ҳажми бироз кичикроқ бўлиб, унинг 5 х 3 см. ҳажмда бўлиши мақсадга мувофиқ. Шунингдек, ҳар бир кўкрак белгиси рақамланган бўлиши, рақамлар белгининг орқа томонида жойлаштирилиши керак ва унинг тегишлилигини тасдиқловчи гувоҳнома ҳам жорий этилиши лозим. Бундан ташқари адвокат кўкрак белгиси чизмасида сариқ ранг кўпроқ иштилганига ҳам эътироз қилади ва барглардан ясалган чамбарак учун навқиронлик рамзи ҳисобланадиган тўқ яшил рангни синаб кўришни тавсия этади.

Маълумот учун айтадиган бўлса, Ўзбекистон Республикаси Адвокатлар палатаси жорий йил бошида ўзининг расмий сайтида ва «Facebook» ижтимоий тармоғидаги саҳифасида адвокатларнинг касбий тааллуқлигини англатишни назарда тутувчи кўкрак нишонини жорий этиш таклифини жойлаштириб, унинг намунавий чизмасини ҳам эълон қилган ҳамда адвокатлардан ушбу лойиҳа бўйича ўз таклиф ва мулоҳазаларини беришларини сўраган эди.

Кўкрак белгисининг намунавий чизмасига эса Адвокатлар палатасининг 2009 йил 14 апрелда Ўзбекистон Республикаси Адлия вазирлигида томонидан руйхатдан ўтказилган логотипи асос қилиб олинган.

ссылка на оригинал статьи: https://www.xabar.uz/jamiyat/advokatning-kokrak-belgisi-u-nimani-eslatmoqda

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %